غزل شامي
بحبك حب الشباك .......للبرداية
بحبك حب الأرنبيط.....للكوساية
بحبك حب الشلمونة.....للكولاية
لك بحبك حب الطشت....للكبجاية
يا ريت تكوني شخبرة....وكون أنا المحاية
يا ريت تكوني قلم ......وكون أنا البراية
يا ريت ما تحطيلي زء....لما كون أنا جاية
بحب ضحكتك يلي متل صوت المعزاية
بحبك حب الدؤونية .....ل لهاية
بحبك حب المألمة .....للشنتاية
يا ريت تكوني عوجا .....وكون أنا العرباية
يا ريت تكوني طربيزة ....وكون أنا كنباية
يا مدلوئة حياتي...وشعبيات عمري....ووربات بئشطة روحي....يا أحلى زبدية محلاية
بحبك حب لريموت .... للتلفزيون
بحبك حب درفة الباب ...للمندلون
بحبك حب بنت أختي الفصعونة...لسبيس تون
بحبك حب رونادينيو للطابة
بحبك إذا كنتي منتحة .....أو حبابة
بحبك حتى لو كان صوتك .....متل موتور الدبابة
سمعيني شوي لحتى احكيلك ....الاصة
يا ريت تكوني حنفية مي عم تشرشر ....وأنا بعصها
نشا لله ما يبلا هاطول ....متل عرئ الفصة
لك يا ريت تكون معي هيكة .. كمشة بزر واعطيكي نصا
بحبك حب منير الجبان لكلمة صباح الخير
بحبك حب جهاد سعد ... لبرنامج خبرني يا طير
لك بتسدئي ؟؟؟؟؟
بحبك حب جورج بوش .... لتوني بلير
شه !!!!
بحبك حب الآرمة للعامود
بحبك حب الزلائط للمعؤوود
بحبك حب السعادين للقرود
بحبك إذا كنتي ... ساكتة أو عم تحاكينا
بحبك حب ابن أختي الفصعون لبوظة كارينا...
موضوع: غزل شامي ادخل وشوف